සුළු හා මධ්‍ය පරිමාණ ව්‍යවසායකයන්(SME) ශ්‍රී ලංකාවේ ආර්ථිකයේ සුවිශේෂී ස්ථානයක් හොබවන ව්‍යාපාර කොට්ටාශයක් ලෙස හැඳින්විය හැකි අතර, රට තුල රැකියා අවස්ථා නිර්මාණය කිරීම සහ දේශීය ආර්ථිකය වර්ධනය කිරීම සඳහා මෙම ව්‍යාපාර ඍජුවම සහයෝගී වේ. නමුත්,  මෙම ව්‍යාපාර ඩිජිටල්කරණය කිරීමේදී විවිධ වූ ප්‍රායෝගික අභියෝග  කිහිපයක් වන අතර, පරිගණක සහ තොරතුරු තාක්ෂණය පිළිබඳ දැනුම අවම වීම මූලික සාධකයක් ලෙස පෙන්වා දිය හැකිය.

ඩිජිටල්කරනය මගින් ව්‍යවසායකයන් සඳහා විවිධාකාර වූ ප්‍රතිලාබ අත්කර ගත හැකි වන අතර, ඉහල කාර්යක්ෂමතාවයකින්, ගුණාත්මක පාරිභෝගික සේවාවක් ලබා දීම  සහ නව වෙළඳපොල ඉල්ලුම හඳුනාගනිමින් එම අවශ්‍යතාවයන් සපුරාලීම මේ අතරින් සුවිශේෂී වේ. 

තවද, මෙම ඩිජිටල් තාක්ෂණය සහ යෙදවුම් මගින් මෙම සුළු හා මාධ්‍ය පරිමාණ ව්‍යාපාර සඳහා වන ප්‍රතිලාබ ලෙස විධිමත් ව්‍යාපාර මෙහෙයුම්, අවම පිරිවැය සහ නව වෙළඳපොල අවස්ථා සඳහා දොරටු විවර වීම හඳුන්වා දිය හැකි වේ.

සුළුහාමධ්‍යමපරිමාණව්‍යාපාරඩිජිටල්කරණයේදීබලපෑහැකිඅභියෝග, 

1. තාක්‍ෂණයසඳහාසීමිතප්‍රවේශය: බොහෝ කුඩා ව්‍යාපාරවලට නවීන තාක්‍ෂණය සඳහා ආයෝජනය කිරීමට සම්පත් හිඟ වන අතර එය ඔවුන්ගේ තරඟකාරිත්වයට බාධාවක් විය හැකිය.
2. තාක්ෂණිකවශයෙන්දියුණුකාර්යමණ්ඩලයක්නොමැතිවීම: ඩිජිටල් මෙවලම් ඵලදායි ලෙස ක්‍රියාත්මක කිරීමට සහ කළමනාකරණය කිරීමට හැකි දක්ෂ කාර්ය මණ්ඩලයක හිඟයක් බොහෝ විට පැවතිය හැකිය.
3. දැනුවත්භාවයසහඅවබෝධය: බොහෝ ව්‍යාපාර අයිතිකරුවන් ඩිජිටල්කරණයේ ප්‍රතිලාභ හෝ ඔවුන්ගේ මෙහෙයුම්වලට තාක්ෂණය ඒකාබද්ධ කරන්නේ කෙසේද යන්න සම්පූර්ණයෙන් වටහාගත නොහැකි විය හැකිය.

ඩිජිටල්කරණයටයොමුවීම

1. ඵලදායියෙදුම්භාවිතයටහුරුවීම: කාර්ය කළමනාකරණයට සහ ව්‍යාපෘති කළමනාකරණයට උපකාර වන මෘදුකාංග යෙදුම් භාවිතයෙන් ව්‍යාපාර කාර්යක්ෂමතාවය ඉහල යාම සිදු විය හැකිය.
2. අන්තර්ජාලවෙළඳපල: ව්‍යවසායකයන් හට පුළුල් වෙළඳපොළක් වෙත ළඟා වීමට සහ ඔවුන්ගේ විකුණුම් නාලිකා පුළුල් කිරීමට ඊ-වාණිජ්‍ය වේදිකා භාවිතා කළ හැකිය.
3. අන්තර්ජාලවෙළඳපලතුළපාරිභෝගිකසහභාගීත්වයසහහැසිරීම: සමාජ මාධ්‍ය සහ ඩිජිටල් අලෙවිකරණ උපාය මාර්ග භාවිතා කිරීමෙන් පාරිභෝගික සබඳතා ශක්තිමත් කර ව්‍යාපාර සන්නාම පාරිභෝගිකයන් අතරට ගෙනයාම දියුණු කළ හැකිය.

ඉදිරිගමන්මග 

කුඩා හා මධ්‍ය පරිමාණ ව්‍යවසායකයින්ගේ පැවැත්මට පමණක් නොව වර්තමාන තරඟකාරී වෙළඳපල රටාව තුළ දියුණු වීමට ඩිජිටල්කරණය හා එක්වීම අත්‍යවශ්‍ය වේ. තවද, තාක්‍ෂණය ඵලදායි ලෙස භාවිතා කිරීමෙන් කුඩා හා මධ්‍ය පරිමාණ ව්‍යවසායකයන්ට තම මෙහෙයුම් හැකියාවන් වැඩිදියුණු කර ගැනීමටත් නව ව්‍යාපාරික අවස්ථා විවෘත කිරීමටත් හැකියාව ලැබේ.

අවසාන වශයෙන්, ඩිජිටල් පරිවර්තනය කෙරෙහි අවධානය යොමු කිරීමෙන් රටේ සමස්ත ආර්ථික සංවර්ධනයට සැලකිය යුතු දායකත්වයක් ලබා දෙමින් කුඩා හා මධ්‍ය පරිමාණ ව්‍යවසාය අංශයේ තිරසාර වර්ධනයක් සඳහා මග පෑදිය හැකිය.

කුඩා හා මධ්‍ය පරිමාණ ව්‍යවසායකයින්ට ඩිජිටල් වේදිකාව තුළ සාර්ථක ලෙස සැරිසැරීමට සහ දියුණු ආර්ථිකයක් පෝෂණය කිරීමට හැකි බව සහතික කරමින් මෙම මුලපිරීම් සඳහා ව්‍යවසායකයන්ට සහාය වීම ඉතා වැදගත් වේ."